سيبني أطير

ما تخبينيش

وريني للنور والسما

سيبني أطير

إوعى تقيّد خطوتي

إوعى تقصقص لي الجناح

سيبني أطير

سيبني أرفرف في البراح

زي النسور.. زي الهوا..

هيَّ الحياة دي تبقى إيه.. من غير ما أطير؟

ماتخبينيش

ما تخلينيش..

أخاف من الدنيا

ومن كل العيون

خليني أطّمن لهم

خليني أحس – ولو خداع – إن العيون دي عيون حبيبة

خايفة علينا ( إنت وأنا )

خايفة علينا.. من العيون..

وكأنها..

هيَّ عيونك يا حبيب قلبي أنا..

وان كان مافيش..

في الدنيا دي غير قلبك انت يضمني..

يبقى خلاص

هات البشر

كل البشر

يونسوني جوة قلبك.. كلهم!