من خبرتي في الرسم أعرف أن طاقتك النفسية تنضب بعد وقت محدد.. هذا الوقت لا يكفي أبدا لوحة واحدة.. عندما تنضب هذه الطاقة ، تجد جنون الفنان قد تملكك ، وتشعر بإعجاب لما أنجزته من عمل، وبشوق لرؤية العمل مكتملا.. ولقلة خبرتك، تتعجل في إنهاء العمل في الجلسة نفسها، بطريقة "الكَرْوَتة" .. طبعا هذا خطأ فادح.. عليك بإرجاء العمل إلى وقت آخر حتي تستعيد تركيزك كاملا..
لماذا أتـذكر هذا الآن؟
هل هي أمنية دفينة للعودة للرسم تعبر عن نفسها؟
ربما!
لماذا أتـذكر هذا الآن؟
هل هي أمنية دفينة للعودة للرسم تعبر عن نفسها؟
ربما!
أنت عارف يا محمد , كلامك ده مش على الرسم بس .. ده على الكتابة ,الموسيقى ..
ردحذفبيحصلي نفس الكلام .. وللأسف بعد ما بخلص بتضايق من النتيجة وبمسح الكتابة والغي ملفات الأوديو ..
اول مرة افهم ليه ..
شكراً
وارجع ارسم يا عم
نقيب:
ردحذفياه!
عارف.. كنت كاتب التدوينة دي من زمان وراكنها.. كنت باقول مالهاش لازمة.. مين هيهمه الكلام ده؟
ولما نشرتها كان على سبيل الخواطر.. لكن دلوقتي سعيد جدا انك لقيت فيها فايدة..
شكرا ياباشا .. هاحاول..
اللى كتبته حقيقى جدا
ردحذفأحيانا بتكون جواك طاقة رهيبة محتاج تخرجها بشكل سريع و ملح ، و بتتوارد الأفكار على بالك و بمجرد ما بتمسك قلمك أو فرشتك و تبدأ ، تحس كأن طاقتك كلها اتسربت و كأنك محتاج إعادة شحن
فى الحالة دى لو أصريت على إنك تكمل عملك هايكون ( متكروت ) زى ما قلت
و لو سبته ربما يفضل مبتور على طول
إشكالية غريبة بس أنا كمان مش لقيت ليها حل
***
ارسم يا محمد
ريم:
ردحذفمتهيألي الحل انك تكمليه في أقرب وقت بعدها..
بحيث يبقى عندك طاقة نفسية كافية.. وفي نفس الوقت مش بعد مدة كبيرة عشان ما يبقاش مبتور زي ما بتقولي..
عن نفسي با فضل أكمل العمل تاني يوم في نفس المعاد..
حاضر يا ريم D:
هوه نفس المشكلة معتادة جدااااااا
ردحذفو كأن فيه خطة محكمة الوحي عاملها عشان مش نتهنى على حتة الحاجة اللي بنعملها
المهم بقى
الواحد لو مش كمل الحاجة في ساعتها ، يبقى عمرها ما هاتكمل ، خصوصا لو عمل صغير بتاع وقته
و فيه نصيحة حلوة قريتها قريب
fake it till u make it
شغف:
ردحذفلا والله يا شغف.. ممكن تكمل..
هاتصممي تكمليها في وقتها هاتكمل .. لكن روحها هاتكون ناقصة حتة..
إلا لو كان عمل صغير زي ما بتقولي..
أهلا بيكي D:
تحياتي
زي ما قالوا قبلي
ردحذفالموضوع بيتطبق على كل الانتاج الابداعي سواء كتابة رسم موسيقى او حتى غنا
ولما الافكار بتتراكم بتبقى عايز تتخلص من كل اللي جواك قبل ما يختفي لكن بتكتشف انك بتطلع كل ده في صورة غير اللي انت عايزها او كنت متخيلها
وغالبا الابداع بسبب حالة انفعالية ما يبقى أفضل لو كان بعد مرور الحالة اصلا
تحياتي ليك وارسم من غير تفكير
ملكة:
ردحذفأنا جربت الرسم والكتابة والشعر.. لكن لسة ماجربتش الغنا ولا الموسيقى رحمةً بالناس!
لكن أكيد كلامك صح.. الفنون كلها ممكن تيجي تعبير عن انفعالات..لكن مش شرط.. حقيقي ممكن يكون فيها شوية جهد وصنعة..
يعني ليوناردو دافنشي كان بيرسم اللوحة في شهور.. وأحيانا سنوات..
نورتيني يا ملكة :)
تحياتي وفكري في كلامي! :D
من وانا نونو نفسى اعرف ارسم
ردحذفوعندنا فى البيت كانو حسين بمعاناتى
فكنت كل مااهبل اى هبل يعلقوه على الحيطة ويحسسونى انهم عايشين مع رينوار مثلا
لحد ماكبرت واتصدمت انى حمارة رسم ولا افقه شئ وبسقط فى امتحانات الحكومة :-(
بس الحمدلله
امنيتى التانية اتحققت وصوتى طلع حلو زى فيروز :-)
ميرسى على مجاملتك
وانا من اول ماعملت مدونتى وانت فى الفيفورت يعنى انا كل يوم هنا :-)
ههههههه!
ردحذفبقى كانوا بيضحكوا عليكي ويفهموكي ان رسمك حلو!!
طيب مش يمكن عندهم حق!
على فكرة أن سقطت في اتحان القدرات بتاع الثانوية العامة!
لكن باعرف أرسم غصبا عن عينهم جميعا..
صوتك حلو؟
زي فيروز؟؟
فيروز مرة واحدة؟؟
ياريت يبقى فيه فرصة نسمعك إن شاء الله..
سعيد جدا بإن مدونتي في الفيفوريت بتاعتك.. وسعيد أكثر أنك هتبقي هنا كتير.. تنوري :)
ربنا يخليك ياعم دافنشى
ردحذفلا بس رسمى حلو دى......رحم الله إمرئ عرف قدر نفسه يعنى
انا فعلا حمارة رسم
ودى المرة الوحيدة اللى اتفق انا والحكومة على حاجة
هههههههههه
اما بالنسبة لسماع صوتى
انا لسة بغنى
بس عشان انت تسمعه يبقى ان شاء الله لما نتلم كلنا وعد ياسيدى حملا الزنزانة غنا
بس هما يخلو الزنازين مشتركة
هههههههههه
البتاع:
ردحذفوالله دي دي تبقى زنزانة خمس نجوم!
أنا مستعد أقدم عليها من دلوقتي..
يا سلام!
زنزانة مشتركة.. وهنسمع بتاعة صوتها زي فيروز..
ناقص ايه تاني؟
مش ناقص غير انهم يوافقوا يدخلوا لنا dvd في قلب الزنزانة..
ههههههه