٢٠٠٧-٠٦-٠٥

ياجرادك يا مصر !



خبر في الدستور اليومي عدد الأحد 3 / 6 / 2007.. الخبر يحتوي على ثلاثة أخبار أو تصريحات.. لاحظها
جيدا وقارن بينها:

1- تقرير عن منظمة الفاو (منظمة الأمم المتحدة للأغذية والزراعة) يكشف عن تكاثر مكثف للجراد في جنوب شرق مصر على ساحل البحر الأحمر، والتقرير يتوقع غزو أسراب الجراد لمنطقة بحيرة ناصر..

2- د. عبد الرحمن أمين أستاذ الحشرات بزراعة عين شمس والمتخصص في الجراد يؤكد أن تكاثر الجراد في جنوب شرق مصر سيؤثر بالسلب على الزراعة في منطقة بحيرة ناصر وما حولها.. ويضيف: مما يزيد من حجم المشكلة وجود تكاثر مماثل للجراد في السودان، مما يؤكد احتمال تعرض مصر لغزو الجراد القادم من السودان.. وهذا سيتوقف على اتجاه الرياح..

هذا أيضا أكدته منظمة الفاو..

3- المهندس محمد عبد الرحمن مدير إدارة الجراد بوزارة الزراعة ينفي وجود تكاثر للجراد في جنوب شرق مصر، كما ينفي أن تكون مصر معرضة لغزو أسراب الجراد القادم من السودان!!

والآن.. ماذا تفعل عندما تقرأ هذا ؟

تشد في شعرك؟

منظمة الفاو بتقولك فيه جراد.. والمتخصصون يؤكدون الكلام نفسه..

الباشا المسئول بينفي ليه؟

على أي أساس؟

أيكون الرجل متأكدا لأن السجلات عنده لا تثبت أن الجراد أخذ تصريحا بالتكاثر في جنوب شرق مصر؟

على أساس أن تكاثر الجراد هناك، حتى لو حدث فهو بدون تصريح، وبالتالي هو غير قانوني ووغير معترف به!

أم أن الأخ المسئول أساء الفهم، وظنهم يتحدثون عن الجراد البشري وليس الجراد الحقيقي، فسارع بأداء واجبه المقدس في الدفاع عنه؟

هل اعتاد الجميع على صيغة "كله تمام" و"الأمن مستتب"، والسلام؟

وما المشكلة في أن يكون هناك تكاثر وغزو للجراد؟.. هل سيُعد هذا تقصيرا من الرجل؟

طيب وهو ماله!

الجراد تكاثر في السودان.. ليس ذنبه إذن.. الرجل لن يذهب إلى السودان ليعطي للجراد حبوب منع الحمل.. كما أن إعلانات تنظيم الأسرة لم تعد تجدي نفعا مع الجراد؛ لأنه غالبا لا يشاهد التليفزيون المصري!

أسلوب غريب جدا.. على كده بتوع الأرصاد ينكروا إن الجو حر، ويقولوا كله تمام يا ريس والدنيا ربيع حتى في الصيف والجو بديع وقفل لي كل الملفات قبل الجرد!

أدعو الله للأخ المسئول أن يرزقه بجرادة عملاقة (في حجم مازنجر كده!) تقصده هو شخصيا، وتكون مصابة بالحول فتظنه عشبا أخضر!!

هناك ١٨ تعليقًا:

  1. ياعم احمد ربنا وبوس ايدك وش وضهر ان المسؤول ما نفاش وجود بحيرة ناصر اصلا!

    ردحذف
  2. او احمد ربنا انه ماقالش ان الجراد انقرض مع الديناصورات مثلا

    لأ بص انت معاك حق
    المسوءلين كلهم ماشيين على نغمة كله تمام ياريس والناس مبسوطة ومزقططة والعيشة زى الفل

    نفس النغمة اللى لما تتفرج على القناة الأولى والتانية فى مصر بالظبط

    حاجة تقرف ولهى

    آخر حاجة شفتها عن مطار القاهرة الدولى
    تجده جنة الله فى الارض على القناة الأولى وحين تذهب هناك على الأرض الواقع تجده خرابة

    حاجة تحزن

    ردحذف
  3. يارب كتر جرادتنا
    و على قد نيتنا ادينا(بس مش اوى يعنى)
    فليرحمنا الخالق

    ردحذف
  4. الحفل الجاى لاسكندريلاّ يوم 11/6/2007 بالجامعة الأمريكية فى انتظار تفاصيل أكثر


    بعدها اسكندريلاّ هتكون موجودة يوم الجمعة 29 يونيو على مسرح الجنينة من9-10 مساء


    المكان: حديقة الأزهر طريق صلاح سالم الدراسة جميع العروض مجانية بخلاف تذكرة دخول الحديقة (5 جنيه) للمزيد من المعلومات www.mawred.org
    الحفل التالى سيكون فى ساقية الصاوى 11/7/2007 ضمن مهرجان (أجازة بجد ) التى تقيمه جمعية تنمية بلا حدود أيضاً التحديث بالتفاصيل مستمر

    ردحذف
  5. صحيح
    كان من كام يوم جايبين فيلم على تو(تو النضيفة مش العقيمة بتاعة التلفزيون المصري)عن جراد مهجن بواسطة احد العلماء الامريكان
    وقالك ايه بقى؟
    قال الجراد ده خرب البلد اللي هي امريكا يعني ودمرها ومكنش بيأثر فيه اي مبيدات
    وبعدين في اخر الفيلم بقدرة قادر البطلة او البطل مش فاكرة المهم انهم قضوا على الجراد تقريبا قالوا له بخ في وشه فاتخض طب ساكت

    تفتكر الجراد جاي لنا في مصر ليه؟
    عايز مبيدات مستوردة من امريكا من منطلق انه مفيش احسن م المستورد
    ودي امريكا يابا وكدة يعني؟

    وللجراد(بما انه خلقة ربنا يعني)نقول
    وبكل الحب والسعادة والافتخار
    نوررررت مصر

    ردحذف
  6. ملكة:

    هههههههههه
    لا حلوة !
    والله مش بعيدة عليهم!

    ميراج:

    ههههههههه
    مثلا!
    أهو حل تاني برضه!
    الجراد انقرض!
    انتو شغالين مسئولين من ورانا ولا إييييه؟

    هي فعلا النغمة دي ملحوظة بشكل غريب..
    ولسة واخد بالي امبارح انها نفس السياسة اللي اتعاملوا بيها مع أنفلوانزا الطيور.. المرض دخل مصر والضحايا يكتروا، وهما ما اعترفوش غير بعد كده بشهرين..
    والنتيجة: مصر ثاني أسوأ دولة في العالم تعاملت مع الأزمة!
    وهكذا..

    بس الجميل انها مش الحاجة الوحيدة اللي تحزن يا ميراج.. الخيرات كتير والحمد لله!

    muse:

    فعلا يا ميوز.. بلاش حكاية ربنا يدينا على قد نيتنا دي..
    حد عارف نيتنا دي شكلها ايه ؟
    نورتيني يا فندم :)

    إسكندريلا:
    شكرا على المعلومة !

    ملكة تاني:

    ههههههههههههههههههههه
    يا بنت الذين !
    جامد الترحيب ده!
    تصوري .. إحنا - المصريين يعني - نقف صفوف كتير كده زي إعلان فودافون ويتقدمنا الرموز بتوعنا - اللي في إعلان فودافون برضه ! - ونقابل الجراد في الصحرا ونهتف بصوت واحد: نورررررررت مصر !

    ما شفتش الفيلم ده.. لكن واضح من كلامك انه فيلم أمريكاني أمريكاني يعني..
    مش باحب النوعية المسلوقة دي برضه..

    الجراد أكيد جاي مصر يسترزق.. ما هو أكيد سمع ان أبواب الاستنهاب مفتوحة أمام المستنهبين فقال ييجي ياكل لقمة عيش مع الجراد المحلي..
    هنبص له فيها؟

    ردحذف
  7. يعني نستنى الجراد ينورنا قريبا ان شاء الله

    أصلها طالبة مجاعة أكتر من اللي احنا عايشين فيها
    بس خهو ده حال الحكومة ، الحمى القرمزية منتشرة يبقى قدامهم حل من اتنين ليعملوا اجراءات وقاية لا يقولوا مفيش ومحصلش...وطبعا الحل التاني بيبقى أسهل لأن عقل الدجاجة بتاع الحكومة متصور ان نفيهم للحاجة بيلغي وجودها..
    يعجبني في الحكومة بقى انها مش بتغير اسلوب التعامل ده تجاه أي مشكلة

    ردحذف
  8. ياساااااااتر عليكو يادى البلد
    !!!!!!!
    ماتسيبوش حد فى حاله ابدا؟؟؟
    حتى الجراد فى السما والسمك فى البحور ....ورقصنى ياجدع وكده؟؟؟
    اخص عليكو شعب غير حضارى
    انتو مووووش من مستوى الشعوب المتحضرة
    نورت مصر ايه وعورت مصر ايه؟؟؟
    المفروض اننا نعمل اعلان
    اكفل جرادتين فى بيتك تقل الضرايب عليك النص
    حب الجراد يحبك
    اديها مية تديك طراوة
    كده يعنى
    خليكو فرندلى
    ......يعنى ايه فرندلى؟؟
    لالالالا
    دى كلمة لو عرفتوها تبقو عمد

    تحياتى يافنان

    ردحذف
  9. ولا يادفشش

    انت وينك؟؟؟؟
    انت وييييينك؟؟
    وليش هذا الفرق مابينى وبينك؟؟

    هههههههههههه
    دى اغنية لكاظم حبيبى بس افتكرتها

    انت فين عن جد يعنى؟؟؟

    ردحذف
  10. متغيرة شوية:

    تمام يا أخت متغيرة!
    يعني كل اللي عنده عجل ولا خروف يدبحه إكراما للضيف العزيز اللي قادم على غفلة من غير ما الحكومة تاخد بالها !
    الحكومة لا ممكن تغير مبدأها أبدا !
    الحكومة نفسها تتغير والمبدأ ده يفضل ثابت راسخ: كله تماااام يا ريس!!

    هو انتي متغيرة صحيح؟.. همم.. بس منورة :)

    البوتاعة:

    ازيك يابنايتي!
    ههههههههه

    فقرية زي ماانتي.. كالعادة!

    بس تعرفي.. لو يقدروا كانوا عملوها !
    مش الجراد ده.. لا.. الجراد التاني.. اللي هو الأولاني يعني.. الجراد المحلي مش المستورد.. البشري.. مش الحشري !!
    لو يقدروا كانوا خلونا نكفلهم عيني عينك .. بالسخرة.. ولو اننا بنكفلهم.. بس من تحت لتحت!

    ولعلمك بقى أنا أنفع عمده !
    إيوة.. آنيي عارة معناة كلمة فيرينديلي دي!
    معناها مهااااااااود !
    صوح؟
    صوح!!

    البوتشاعة تاني:

    أي خودعة.. عملتلك عنوان جانبي تاني!
    من أول السطر بقى:

    عارفها طبعا.. الغنوة.. ما انا كمان.. كاذيم ده روحي روحي رووووحي فيه!

    أنا وين؟
    بصراحة كنت ناوي أكتئب بس رجعت في كلامي!
    ماكملتش..
    هأجلها شوية..
    لما أجي أكتئب المرة الجاية هبقى أقول قبلها بدل ما انتي متشحتفة كده !

    إلا إيه عن جد دي؟
    انتي قلبتي خليجي كده ليه؟
    اوعي تطلعي منهن!

    ردحذف
  11. هما كده يا عم لازم يقولوا ان كله تمام التمام لحد ما يلاقو الحدث جه و الجراد وصل وساعتها بقى هنشوف هيعملوا ايه!!

    تحياتى

    ردحذف
  12. فين شهادة وفاتك
    اهي يا فندم .
    وانت معاك تصريح بالدفن
    ايوة اهوه

    امال بترغي كتير ليه . مانت ورقك سليم اهو .. على القرافة عدل ..


    من فيلم
    معالي الوزير

    الورق قال مفيش جراد . نكدبه يعني .. ولو جا الجراد يعني هيلاقي حاجة ياكلها . هيجيله مجاعة هنــا ..

    وكل الود .

    ردحذف
  13. محمد ياسر:

    هيعملوا ايه يعني؟
    هيقولوا برضه مفيش جراد!
    رد عليهم بقى!
    لو الراجل في مؤتمر صحفي وبينفي وجود الجراد ونطت في بقه جرادة برضه هيقولك دي جرادة شاردة!
    ربنا يتولانا يا عم !

    حمد الله ع السلامة يا عم محمد ؛)

    محمد العدوي:

    ههههههههه
    حلو جد الاقتباس ده.. مناسب تمااااام..
    بس على فكرة.. الجراد مش هيعاني مجاعة في مصر.. مصر خيراتها لم تنفد بعد.. لكنها ليست للمصريين.. للجراد فقط!
    مصر - بنظامها الحالي - هي جنة الجراد في الأرض!

    المهم انت نورتني جدا.. أنا سعيد بزيارتك وبالتعرف عليك، خاصة بعدما قرأت في مدونتك أنك تقرأ لمحمود شاكر والرافعي.. دعك من أنك تعرفهما أصلا !
    انت فاهم بقى.. محدش بقى بيعرف الناس دي اليومين دول..
    سعيد بزيارتك بحق.. وبصداقتك.. إن شاء الله ؛)

    ردحذف
  14. السلام عليكم ورحمة الله وبركاته

    الفاو يتوقع إنتشارا واسعا للجراد الصحراوي في اليمن

    يعني البلوى مابقتش قاصرة عليكم في مصر بس

    الجراد ينوي التوجه لليمن في زيارة سريعة وخاطفه بغرض تغيير الجو

    لاحول ولا قوة إلا بالله

    نفسي بس أشوف الحكومة حتعمل إيه وإيه حتكون الإجراءات اللي حتتخذها

    بس على فكرة, عندنا بيأكلوا الجراد, عمري ماأكلت جراده في حياتي, بس في ناس بيأكلوها والله, هي في الآخر حلال, بس أنا مزاجي مش جايب على جراد

    المرة الأخيرة لما غزا الجراد اليمن, كانوا في الاخبار بيقولوا, اليمنيون ياكلوا محاصيل أفريقيا والسعودية - او حاجة زي كده- بيقصدوا إن الجراد طاف على أفريقيا والسعودية واكل محاصيلها ولما جه عندنا اكلناه, فكأننا اكلنا محاصيل الدول اللي مر عليها قبلينا, يعني ماتخافوش حننتقم ليكم شر إنتقام نياهاهااااااااااااا

    الجراد أصبح عندهم عقدة من اليمن, زي الأمريكان وفيتنام, مافيش جراده إلا وليها قريب او إثنين ماتوا في اليمن, حتى انا مستغرب إيه اللي حيرجعهم ثاني عندنا, هما ماحرموش؟؟؟؟

    ربنا يستر بس,وتعدي المرة د على خير إحنا مُش ناقصين والله, بس أكيد اللي حيحصل ده من جراء عملنا, عقاب من الله

    ربنا يعين

    تحياتي بقى يا داف

    ملحوظة: لو الدكتور صديقك اللي في هولندا عاوز حاجة او أي خدمة إنت إعطيه الإيمايل بتاعي وإن شاء الله يكون خير

    والسلام عليكم

    كريم

    ردحذف
  15. انت فين ياعم الفنان
    لا يكون الجراد وصل عندكوا ولا حاجة تبقى مصيبة خضرا!!

    ردحذف
  16. الحسام:


    لا حول ولا قوة إلا بالله.. يعني الموضوع دخل في الجد وحود على اليمن كمان!

    حكاية أكل الجراد دي معروفة.. اتعرفت خصوصا من الزحف اللي فات بتاع الجراد هنا.. وفيه ناس كانوا بياكلوه فعلا.. بصراحة مش عارف ممكن أكله ولا لأ.. أنا مش باقرف من الجراد عموما.. لكن ما شفتهاش وهي مشوية مثلا عشان أحكم.. هههههه

    تنتقموا ايه يابني.. مش المفروض كده الجراد هيخلص الغدا عندكم وييجي يتعشا عندنا؟
    يبقى احنا اللي المفروض ننتقم.. هههههههههه
    احنا بقى اللي بقى عندنا عقدة.. مش الجراد.. يابختكم!


    ربنا يستر إن شاء الله ..

    رأيي انه مش عقاب.. ممكن يكون ابتلاء.. الفرق كبير..

    أما صديقي اللي في هولندا، فبصراحة أنا حاسس انه محتاج.. محتاج يشوف حد بيتكلم عربي!
    لو وقتك يسمح وانت قريب منه ياريت تبقى تحاول تقابله..
    تحياتي يا كريم، ومعذرة على التأخير..

    ملكـــة:

    هههههههههه
    لا ياستي الجراد ما وصلش لسة..
    أنا بس مطحون شوية على كافة الأنحاء زي ما بيقولوا بتوع النشرة الجوية.. يعني أسريا ودراسيا وهكذا.. وبيني وبينك أنا أصلا كسلان وعايز ضرب الـ إحم.. عايز حد ينبهني :D
    زي ما انتي عملتي كده..
    أشكرك بشدة على السؤال.. وسماح المرة دي :)

    ردحذف
  17. السلام عليكم ورحمة الله وبركاته

    إزيك ياداف؟ مافيش مشكلة على التأخير ربنا يعينك عاللي معاك

    وبعدين أنا مُش عارف إذا كان الجراد حييجي عندنا الأول أو عندكم, المهم إنه ياإنتوا تنتقموا لينا او إحنا ننتقم ليكم ههههههههههههه

    أنا ماكنتش عاوز أقلهالك, بس شكلي لازم أقولها

    كونسنتريييييييييييييييييت

    بتقلي أتواصل مع صاحبك هنا وانا أصلا مُش عارف هو ساكن فين في هولندا, وإزاي اتواصل معاه في الأساس

    شفت إزاي ؟؟؟؟

    لو عاوز مُمكن تاخذ الإيمايل بتاعي من البروفايل الخاص بي في المُنتدى وتعطيه صاحبك, وهو لو عاوز حاجة حيتواصل معايا, أو لو عاوز إنت مُمكن تستأذن صاحبك إنك تعطيني الإيمايل بتاعه ولو وافق ترسله ليا وانا حاتواصل معاه بمعرفتي

    شوف الحل اللي يناسبك, وإن شاء الله يكون خير

    تحياتي

    كريم

    ردحذف
  18. كريم:

    خلاص اتفقنا كده.. اللي يجيله الجراد الأول.. التاني ينتقم له ! ههههههه

    يا أخي ولا كونسنتريت ولا حاجة.. هو الكونسنتريت ده ورانا ورانا؟.. منك لله يا زجزج!
    يا أخي أقصد أستأذنك الأول..
    وبعدين انت عايزني أروح أدور على مشاركة ليك وبعدين أفتح الملف الشخصي بتاعك وبعدين آخد الإيميل.. كل ده؟
    لييييييه يا بني!
    انت ما سمعتش عن الكسل الأسطوري بتاعي؟
    هههههههه

    بص يا عم.. خد ده إيميله abousetta2002@hotmail.com.. يبقى ضيفه وكلمه.. بس هو ما يعرفش دافنشي على فكرة.. قول له عبد العاطي!
    وانا ربنا يعينني بقى.. أول ما ألاقي إيميلك هضيفك على طول..
    بارك الله فيك.. يا كريم.. جزاك الله خيرا..

    ردحذف