٢٠٠٧-٠٨-١٢

عصر البانجو



المشهد الأول:

أعلى ضجة يمكنك أن تتخيلها في حياتك تصخّ أسماعي.. حفنة من الـ... جندوا كل طاقاتهم من أجل إحداث أكبر ضجة ممكنة على سبيل الاحتفال!

لماذا؟

لأنه "فرح" !!

تحت شباك حجرتي مباشرة!

لا أفهم حقا.. ألا يمكنهم أن يفرحوا إلا بهذه الطريقة؟

فرح شعبي يعج بالكثير من "العنب" و"المولد" ووغد ما يشوه بحماس أغنيات شادية وأنغام وسواهما..

هذه المهزلة بدأت بعد صلاة المغرب مباشرة وما زالت مستمرة.. لا بد أنها مستمرة حتى مطلع الفجر..

لا أستطيع التركيز في شيء.. صداع حاد وألم في الأذنين..

هذه السهرة كنت أنوي إنجاز بعض الأعمال المؤجلة.. طبعا ضاعت الليلة تماما..

حتى الشباك اضطررت لإغلاقة بعد أن بدأت أبخرة البانجو تفوح ..

جماعات من الشباب والرجال أيضا، يجلسون في حلقات دائرية، وأمامهم أكوام من البانجو (وربما الحشيش.. لا أدري!) إلى جانب زجاجات الخمور طبعا.. كل هذا في الشارع وعلى الملأ !

أنت في بيتك، لكنك لا تستطيع أن تفتح شباكك في ظل هذا الحر الشنيع..

أنت في حجرتك لكنك لا تستطيع أن تفعل شيئا.. ولا حتى النوم..

المشهد الثاني:

الثانية صباحا.. أخرج من البيت متجها إلى المقهى المفضل لشلتنا الموقرة..

أعبر شارعا مظلما في طريقي، فأشم رائحة خبيثة.. رائحة ملوخية محترقة أو هكذا أظنها..

تتضح الرائحة ويتضح الأمر عندما أقترب أكثر.. مجموعة شباب يجلسون في الظلام - كمصاصي دماء التفوا حول ضحية - يلفون البانجو ويدخنونه..

المشهد الثالث:

آخر أيام شهر رمضان المبارك.. بعد المغرب.. بدأت ليلة العيد.. أتصل ببعض الأصحاب، لنرى إن كنا سنقضي الليلة معا حتى الصباح كالأيام الخوالي أم...

صوت إيهاب البوب:

أنا السهرة عندي.. جايبين تُمن بانجو.. جاي؟

المشهد الرابع:

(اقتباس من مشاركة للصديقة هدير من منتدى روايات)

"جت العربية البوكس ونزل منها عسكرى وواحد كمان ما اعرفش إيه رتبته..

فى البداية كان الأعلى رتبة يهم بغلق الفرح – بناء على بلاغ وصله من الجيران الذين اشتكوا من الإزعاج - وكان يكتب أشياء على أوراق معه وهو يستند إلى سيارة ما ولكن بعد أن تكلم معه رجل خرج من الفرح مخصوص ..تم التعامل ودس رجل الفرح شيئا ما فى يد الرتبة المجهولة.. ثم تعامل الرجل نفسه مع العسكري في صمت.. فقط دس فى يده شيئا.. وانتهت الليلة على أن البوكس مثل ماجاء مثلما غادر!
مع العلم أن الدى جى ساعتها قلب أغانى وطنية ..بتكلم بجد!
نستنج إيه من كده ..ماهو الشيء الذى يخرج من جيب مواطن ليوضع فى جيب مواطن آخر ؟

ما أعتقدش إنه كان بيديله مصاصة مثلا!".

المشهد الخامس:

فرح مشابه بالطقوس نفسها على بعد شوارع عدة منا.. الصيوان الكبير.. الإضاءة من أول الشارع.. صخب وضجيج.. راقصات.. بانجو.. حشيش.. خمور..

تقترب الكاميرا من هذا التجمع.. تقترب.. تخترق الزحام.. تستعرض الجالسين في الفرح.. هل تستطيع تمييز الرتب؟

أنا لا أستطيع.. هؤلاء هم "المعازيم" : انظر إلى أكتافهم جيدا.. نجوم ونسور.. نسور ونجوم.. رتب رتب!

ها.. هل ما زلت تريد إبلاغ الشرطة؟

لا أظنك ستجد أحدا في قسم الشرطة الآن!

***

مصر النسيم في الليالي وبياعين الفل.. ومراية بهتانة ع القهوة أزورها وأطل.. مصر السما الفزدقي وعصافير معدية.. والقلة مملية على الشباك مندية.. مصر الجبرتي ومصر الرافعي حال غير حال.. مصر اللي عمر الجبرتي لم عرف لها عمر.. كان زماااااااااااان..

الآن مصر العنب العنب.. والمولد.. هنروح المولد.. ماتخافشي ما تخافشي..

هيصة.. كله بيرقص ع الترابيزة والفلوس نازلة عليه..

مصر البانجو والحشيش والجوان والجوينت والسمسون والتكبير والتهييس والدماغ..

هل كنا نبحث عن سمة مميزة لعصرنا هذا الذي ضاعت ملامحه وضعنا وسطه؟

إنه عصر البانجو بلا شك..

هناك ١٢ تعليقًا:

  1. كنت أظن الموضوع يتعلق بعصير المانجو .. آسف أنا مضطر للخروج !

    ردحذف
  2. قسم الطب النفسي عندنا كان عامل زي دراسة احصائية كدة بين طلبة الكلية بتاعتناعن البانجو وكانت نتيجتها ان حوالي 10 % من طلبة الكلية استخدموا أو بيستخدموا البانجو ده!!حاجة تفرح

    ده غير ان رائحة الملوخية المحروقةاياها ممكن تميزها بوضوح بالليل من غير فرح ولا مناسبة ولا أي حاجة
    تدوين رائعة بجد لانك جمعت كل مظاهر العصر الملوث من أول العنب ولحد البانجو
    ربنا يرحمنا برحمته
    تحياتي يا فنان:)

    ردحذف
  3. غير معرف:
    أسفك معك!.. محل العصيير في المدونة المجاورة :)

    إيما:
    10% من طلبة كليتكم وهي كلية عملية..
    يعني الطلاب مش فاضيين أصلا.. فما بالك بطلاب الكليات النظرية.. وما بالك بباقي الشباب غير الجامعي أساسا..
    فعلا .. الموضوع بقى شائع.. ومش شرط فرح طبعا..
    معاكي حق.. ربنا يرحمنا.. وياخد السرطان ده بقى..
    منورة يا باشا :)

    ردحذف
  4. كلهم كلهم
    بانجو
    حشيش
    سجاير
    شيشة
    بلا أزرق
    كلهم زوبالة
    ومبحبش اللي بيعرفوهم
    ونفس الأمر ينطبق على أغاني
    العنب
    السمك
    المولد
    البتنجان الرومي

    ياراجل ده إنت لو قررت في فرحك متشغلش نوعية الاغاني دي يهدروا دمك ولا كأنها طقس مقدس عشان الناس تتجوز
    أوف
    عالم تخنق!!

    ردحذف
  5. ههههههههههه
    حلوة البتنجان الرومي دي!
    انتي بتقولي فيها؟
    حصلت فعلا!
    في خطوبة أختي شغلوا حاجة من الحاجات دي وأنا مش عارف كنت فين.. رجعت لقيت البتاع ده.. قلبت وصممت يغيروا البتاع ده.. والكلمة الغريبة اللي الكل بيرد بيها عليّ: ده فرح.. أمال عايزنا نشغل إيه!
    كان هايجيلي شلل والله!
    فعلا عالم تخنق.. بس ده ما يمنعش انك منورة زي عوايدك يا ملكة :)

    ردحذف
  6. elly m7'awwefny, enn 7atta el 7agat el 7elwa elly mayenfa3sh tentehy, ta3maha beyet3'ayyar...
    koll 7aga mahma kanet thabta, btefqed charism-et-ha

    ردحذف
  7. daisy
    همممم.. مش متأكد إني فاهم قصدك صح.. لكن أنا متفق مع اللي فهمته..
    مش بس سرطانات بتنتشر حوالينا.. لكن كمان الحاجات الجميلة بتضيع مع الزمن..
    مش ده قصدك؟
    نورتيني على كل حال :)

    ردحذف
  8. بعد السلام عليكم و رحمة الله و بركاته ، أنا سعيد جدا بمدونتك الممتازة و التي عثرت عليها بالصدفة مع البحث ، و ،وأنوي أن شاء الله متابعة قديمها قبل جديدها
    ويشرفني زيارتك لمدونتي الجديد و إبداء رأيك فيها و في المدون اللي لسه جديد طازة

    ردحذف
  9. نسيت اغنية مهمة تنفى كل ما سبق يختم بها الدى جى غالبا
    البانجو ده مش بتاعى..

    ردحذف
  10. أبو صلاح:
    أهلا بيك يا عزيزي في مدونتي المتواضعة، وفي عالم التدوين كله :)
    مدونتك حلوة ماشاء الله.. أكيد هاتابعها إن شاء الله.. لكن أنا في أجازة قصيرة من التدوين عشان امتحاناتي دلوقتي.. كلها 10 أيام تقريبا وراجع إن شاء الله..
    أهلا بيك دايما :)

    muse
    ههههههههههههه
    حلوة..
    بس أنا بصراحة مش مصدقه.. عشان كده لما باسمع حد بيغني الأغنية دي باغني أنا كمان: احلف !
    المدونة نورت يا فندم :)

    ردحذف
  11. هحكى حكاية لطيفة ظريفة .....بابا مرة كان معدى فى شارع ضلمة شوية جنب المعهد الدينى(واخد بالك معايا) شاف ناس قاعدين قاعدة مريبة فبيبص بيشوفهم بيعملوا ايه لقى واحد بيقوله ....ايه بنلف سيجارة!

    دى زيارتى الأولى ...وأغنية وجيه عزيز اللى اسمها فنان فقير حلوة (لماحة انا!!)
    انا ورد الذرا فى روايات (عارفة ان عدد مشاركاتى مخجل!)

    ردحذف
  12. رنا:

    شكرا انك حكيتي الموقف ده.. أصلي بقيت باجمع المواقف دي!
    نفس الفكرة.. إيه؟ بتبص على إيه بنلف بانجو!! غريبة مثلا؟؟؟؟
    لا حول ولا قوة إلا بالله!

    سعيد لأن الأغنية أعجبتك.. هتلاقي برضه شوية أغاني متنطورة كده في امدونة.. بالهنا والشفا.. يا رب تعجبك برضه!

    من روايات؟
    طااااايب!.. يعني طلعنا معرفة!.. إحم.. هو الاسم مش غريب عليّ.. بس أنا كده خلاص عرفتك :)
    أهلا بيكي يا رنا دايما.. نورتي المدونة الغلبانة :)

    ردحذف