أحب شخص لقلبك في الدنيا؟
أمي.. برغم أني لا أعبر لها عن هذا الحب كما يجب..
---------------------------
إنسان مستعد تضحي بحياتك – ركز فى كلمة حياتك - عشانه؟
أمي
--------------------------
إنسان كرهته لدرجة الجنون و تمنيت لو تمسك سكينة وتنقض عليه وتغرزها فى قلبه تقتله وتقف تبص لجثته وتشفي غليل قلبك؟
الباشا الكبير!.. (لكن ليس بهذه الشراسة!)
-----------------------------
ما هو:اسم أجمل كتاب كتبه بشر قرأته ومحتفظ به حتى الان؟
ترانيم في ظل تمارا... محمد عفيفي.. كتاب تحفة بحق.. كتاب يجعلني أرى العالم بطريقة مختلفة تماما..
------------------------------
اسم كتاب - كتبه بشر برضه - انت متعلق بيه وبتقرأه كل فترة؟
"ترانيم في ظل تمارا" أيضا.. ممكن أضيف: صندوق الدنيا وحصاد الهشيم لإبراهيم المازني.. وحاليا أقرأ كثيرا في دواوين فؤاد حداد..
--------------------------------
أهم جهاز منزلى أنت متعلق بيه أو بتستخدمه كتير؟
الكمبيوتر .. طبعا..
-----------------------------
مكان تحس بالراحة عندما تدخله؟
أدخله؟.. لازم أدخله؟.. مش لازم؟.. كويس!
النيل.. جلسة على شاطئ النيل.. ليس في كافتريا أو نادي مثلا.. لا.. على المياه مباشرة.. أشعر براحة وهدوء وكأن ماء النيل تغسل روحي..
--------------------------------
شيء تحس بالراحة النفسية عندما تنظر إليه؟
ماء النيل (كل سؤال بعده سؤال شبيه!)
------------------------------
مكان تحس فيه بالحنين الى شيء لا تدرى ماهو و ذكريات جارفة الى لاشيء؟
الجامعة.. كلما ذهبت إلى الجامعة – بعد ما أنهيت دراستي الأساسية في الكلية – تأتيني مشاعر كهذه..
---------------------------
اجمل مدينة زرتها داخل مصر ؟
بور فؤاد
-----------------------
أجمل مكان طبيعي رأيته داخل مصر ؟
الغروب على شاطئ النيل
------------------------
شخصية كارتونية بتحبها؟
بطوط
-------------------------
نوع هاتفك المحمول؟
نوكيا 2300
----------------------------
سرعة بروسيسور جهازك؟
300 ..!
------------------------
حجم ذاكرة –هارد- جهازك؟
80
---------------------------
المساحة التى تشغلها المواد الاسلامية على جهازك؟
معظم اعتمادي على الاسطوانات.. عموما على الجهاز حوالي 2 جيجا.
-----------------------------
نفس المساحة السالف ذكرها فى قلبك -الإجابة لنفسك عشان الرياء يا اخواننا -؟
أتمنى تكون المساحة أكبر في قلبي.. لأن 2 جيجا من 80 قليل جدا!
-----------------------------
أهم هدف انت واضعه لحياتك الآن؟
هدف.. وحلم.. أكتب رواية قيمتها – أدبيا – عالية.. سعيت دائما لإعداد نفسي لهذا بالقراءة والتمرين.. لكنني لم أكتبها برغم أن فكرتها موجودة..
------------------------------
مواصفات فتى (فتاة) الأحلام بالنسبة لك؟
أن تكون أنثى..
وأن تكون إنسانة..
وأن تكون مسلمة..
تكون كل هذا.. بجد..
----------------------------
صف ما يأتى:شعورك لما بتسمع كلمة مصر ؟
بتصعب عليّ..
----------------------
شعورك لما بتسمع كلام عن اليهود؟
تقزز وعدوانية وغلّ.. (يهود إسرائيل طبعا..!)
-----------------------
شعورك لما بتشوف ظابط شرطة؟
تحفّز.. أعصابي تتشد..
-------------------------
شعورك لما بتشوف الكناس العجوز فى الطريق؟
شعور بالعجز.. لأني لا أستطيع مساعدته في تحسين أحواله..
--------------------------
افكارك تجاه شاب ماشى فى الطريق يلبس جلابية بيضاء قصيرة وعمامة وله لحية وبجيبه السواك وبيده المصحف؟
أحسده!
مثل هذا الشخص – بغض النظر عن أي شيء آخر – يعيش في راحة نفسية وصفاء ذهن نادر.. أعرف هذا جيدا..
-----------------------------
إحساس يراودك فى إشارة مرور مغلقة بسبب مسئول كبير؟
متغاااااااااااااظ!
ويحضرني فورا قواميس طويلة عريضة من الشتائم المصرية الحريفة!
----------------------------------
أمرر التاج لمن ؟
هذا هو دافنشى الذى اعرفه وكثير من دافنشى الذى لا اعرفه ولكنى بدات معرفته
ردحذفشفت الدخلة دى؟؟
جملة جامدة نزل عليها الالهام بيها حالا وحياتك
ههههههههههههه
ايوة كده فرحنى بالتاج بتاعى
بجد اجابات جميلة
كسفتنى من مواصفات فتى احلامى بمواصفاتك المتواضعة دى :-(
يالا ياعم لبس التاج لحد تانى
ههههههههههه
كالعادة
ردحذفدافنشى بيعزنى لدرجة التدبيس
و الآنسة صاحبة مدونة البتاع طلبت منه يدبس حد تانى و هو ما صدق يدبسنى
حاضر يا أستاذ
تدبيسة مقبولة
على فكرة إجاباتك واضحة جدا .. شبهك
حظي حلو اني اول مرة ازور مدونتك الجميلة دي يكون في اجاباتك على التاج دة
ردحذفمدونة اكتر من روعة....ارجو ان تقبلني صديقا لها
تحياتي واحتراماتي
البتاعة:
ردحذفأهلا ياختي..مش قلت لك؟
التاج بيستدرجك للإجابة على أسئلة تبين بجد انتي مين..
بس حلوة الجملة الفصيحة اللي كتبتيها دي.. ما انتي بتعرفي عربي أهو!
ليه.. بالعكس.. ده عادي جدا.. على فكرة السؤال ده بالذات إجابتي عليه بتختلف كل شوية.. نفس المضمون، لكن مع الوقت الواحد بيبقى أنضج.. في وقت من الأوقات كانت إجابتي بنفس طريقة إجابتك كده :)
حصل يا فندم.. وكل تاج وانتم بخير ;)
ريم:
وهو أنا عندي أعز منك أدبسه يا ريم؟
يا سلام!
ده انا لو ينفع كنت لميت لك كل التيجان القديمة المتبعترة وأدبسك فيهم كلهم.. هههههههه
إجاباتي واضحة؟.. شبهي؟..
همممم.. دي أكيد حاجة حلوة.. مش كده؟
أ.سمير:
أشكرك بشدة يا عم سمير على ذوقك ورأيك ده..
أقبلك؟
ده الشرف ليا يا فندم.. تنورني والله :)
نورت المدونة بجد.. خالص تحياتي..
نعم؟؟؟؟؟؟
ردحذففى وقت من الاوقات كانت اجاباتك شبهى؟؟
ماثى ياعمو دافنثى
لما اكبل بقى اجاوب احثن
ماماااااااااااااا
عاوزة مصاصةةةةةةة
عاااااااااااا
معلث حقوم اتخانق مع مامتى
سلام
انا اتدبست يا جدعان ..
ردحذفطيب
بس صحيح ايه موضوع انها تكون فتاة دي :D
انت كان ليك تفكير تاني لاسمح الله :D
ميرسي علي التدبيسة دي يا فندم
ردحذفالبتاعة:
ردحذفههههههههههه
حلو قوي كده.. قلبتي عيلة؟
تصدقي كده أحسن!
خليكي كده على طول!
هههههه
نقيبو:
ههههههههه
يخرب بيت فقرك!
يا أخي كونسنتريت بقى.. تكون أنثى.. بجد.. مكتوب بعدها كلمة بجد..
يعني مش انثى ومسترجلة ولا أنثى حقوق المرأة..!
كل تدبيسة وانت طيب :D
إيما:
نوت آت أول يا فندم (مش فاكر الرد على ميرسي بالفرنساوي بقى!).. هاجي أشمت فيكي هناك.. لما تجاوبي!
الرد على ميرسى
ردحذفدو ريان
اى خدمة
مش حعلق على كلامك اللى فات خالص
صكتم بكتم
البتاعة:
ردحذفميرسي بكوو مون مدموازيل!
مون بيتيت مودموازيل!
ههههههههه
دافنشى
ردحذفحلوة لعبة التاج دى.. و أسئلتها مبتكرة عن أسئلة كنت شفتها قبل كده
بس طلعت مية مية..
يعنى عرفت عنك حاجات كتير مكنتش أعرفها
و حاجات كنت أعرفها و اتأكدت منها
و حاجات كنت عارفها عادى
كده يعنى
ما شاء الله المدونة جميلة و هأبقى أتابعها بانتظام إن شاء الله
عموووووووور
It places fhoto of Madeleine in your bloggue
ردحذفMissing Madeleine!
Madeleine, MeCann was abduted from Praia da Luz, Portugal on 03/03/07.
If you have any information about her whereabouts, please contact Crimestoppers on 0800555111 Please Help
عموووووووور:
ردحذفأهلاااااان.. وأنا أقول المدونة نورت فجأة كده ليه؟
وشامم ريحة كبدة اسكندراني وسمك اسكندراني وبطيخ اسكندراني.. أتاريك هنا!
(مفيش هنا وش الشيطان الضاحك للأسف!)
منور يا عمور والله..
سعيد بأن أعجبتك المدونة.. وأرجو أن أملّ من كثرةوجودك هنا قريبا!
لكن التاج عجبك.. مش تقرا كويس؟
أنا مررتهولك يا أستاذ!
هههههه
david santos :
لا حول ولا قوة إلا بالله..
للأسف يا أخ دافيد لا أعرف شيئا عن مادلين .. كنت أتمنى حقا أن أساعدك.. لكن ما باليد حيلة.. أدعو الله أن يعيدها إليك سريعا بإذن الله..
معذرة لأنني أجيبك بالعربية، لكنك تفهمها بالتأكيد.. فقد رأيت كلاما عربيا في مدونتك، كما أن هذه مدونة عربية كما ترى..
غريبة هذه الطريقة للبحث عن طفلة ضائعة.. إلى هذا الحد أغلقت كل الطرق الأخرى؟
لا حول ولا قوة إلا بالله..
الناس تبقى قاعدة فى أمان الله تلاقى نفسها اتدبست فى الحاجات الغريبة دى..
ردحذفبعين شامم ريحة كبدة إسكندرانى و سمك ؟؟ و ما شميت ريحة بطيخ !!!
على فكرة بقى إنت مكنتش مررت التاج ليا لما كتبت التعليق، يعنى عاملها قصد، أنا مش عارف عملتلكم إيه فى الدنيا.. الوداع.. أنا هأنتحر.. متمسكنيش يا حاج الله يكرمك.. هو قرار و هيتنفذ.. بس هأبقى أكتب فى وصيتى إن دافنشى هو السبب و هأسيب العالم اللى تبعى يتصرفوا معاه..
متقلقش يا محمد هأنطلك كل شوية فى المدونة لحد ما تزهق منى و تطلب الراحة بإيديك
عيب يا ولد الكلام ده.. انت عارف كويس انك أول واحد مررتله التاج.. لكن كان فيه بطيخة محشورة في التاج فاتحشر في البوست وانت وقعت!
ردحذفخلاص؟.. هاتنتحر؟.. أكيد يعني؟
ربنا ييوفقك!!
بس خلص وانتحر بسرعة وارجع جاوب على أسئلة التاج.. هاه؟
انجززززز
..
هاتنورني دايما يا باشا :)
آدي تاني تاج أشوف إجاباتك عليه ..
ردحذفهتابع إن شاء الله بعد كده كله ..
إبقى خد بالك من إجاباتك عشان هقفشك على أي إجابة ماتعجبنيش (وش ملاك)
الرد متأخر .. عارفة ،عندك آخر رد بتاريخ .. هممم .. ثواني أشوف كده 24/5/2007
يعني داخلين في شهرين
المهم بس تكون بنشوف الردود القديمة مش بتطنشها (الواد أبو عصاية)
عجبتنى ردودك..واول سؤال اجابته حلوة جدا.. ايوة كده....
ردحذفمريم:
ردحذفتاني تاج؟
طيب كويس.. فاضل لك تاج وتكسبي التاج الرابع .. مجانا!
آخد بالي من إجاباتي؟
على فكرة بقى.. أنا كل إجاباتي - دايما - في السليم (الوش أبو نضرة سوداء)!
الردود القديمة والجديدة باشوفها على طول، لأن كل رد بيوصل لي على الإيميل أول ما بيتكتب!
منورة دايما يا مريم :)
هاي هوبس:
أخيرا جيتي تاني؟
أشكرك بجد..
على فكرة.. السؤال الأول هو الأصدق فعلا!
أشكرك تاني.. وتعالي تاني بقى :(