هل سمعتم عن حادثة حلوان البلد؟
حسنا.. لقد ارتفع عدد القتلى بعدها إلى 4، حيث مات اثنان ممن كانوا في العناية المركزة..
الأسباب المذكورة في المصري اليوم ليست دقيقة.. المشكلة بدأت واشتعلت في طابور العيش!
أنا لم أر الواقعة بعيني، لكنني أقيم في حلوان، والذين شاهدوا الواقعة هنا كثيرون.. على خلفية عداوة سابقة بين عائلتين كبيرتين، في طابور العيش كان البائع يحابي بعض الناس على حساب الآخرين.. ومن هنا بدأت المشكلة التي وصلت إلى إطلاق النار في الهواء، والرد لى ذلك بـ"الضرب في المليان"..
في بلادي يتحول المجاز إلى حقيقة..
في بلادي كان الناس يقولون "الطابور زحمة.. ضرب نار" للدلالة على شدة التزاحم في الطابور..
اليوم هاهو ضرب نار حقيقي.. في طابور العيش..
في بلادي كان الناس يقولون "الناس بتموّت بعضيها عشان رغيف العيش".. للدلالة على تزاحم الناس من أجل الرزق..
اليوم ها هم في حلوان البلد أربعة من القتلى.. في طابور العيش..
في بلادي يقول الناس "الناس بتاكل بعضيها".. وغدا.. ربنا يستر.. إذا لم نجد حتى طابور العيش...
طيب الواحد يعلق يقول أيه!!!
ردحذفأول مرة أسمع عن تلك الحادثة لأنني لم تعد لي طاقة لمتابعة الأخبار بصراحة لكنني اكتشفت أنها حدثت من أيام!! ليس الأسوأ أن يفقد المجاز معناه لكن الأسوأ فعلا أن تفقد الحياة أبسط مقومات الحياة ..أن يفقد البشر حياتهم .. مجازا ثم حقيقة !!
حسبي الله ونعم الوكيل
معنديش حاجة اكتر من اللي قاتله ايما .. انا كمان بطلت اتابع اخبار محلية اساسا
ردحذففساد المحليات و عشوئياته خنقتني و انا راجل بيستعد يخش دنيا اساسا
جتهم القرف
سمعت طراطيش كلام عن الواقعة لغاية ما قريتها كاملة هنا
احنا في زمن اللي كنا بنفتكره مش هيحصل ابدا بقي بيحصل صدقني
بكرا فعلا هنجري ورا لقمة العيش
يا رب رجع البلد دي كويسة
البلد دي لسا فيها ناس تستاهل
على فكره انت راجل كدااااااااااااااااب
ردحذفاولا انا من حلوان ومن حلوان البلد بالذات واسمى حازم المكاوى ومعظم اصحابى من عيلة محجوب والحماديه وعايز اقولك اللى ماتوا اتنين بس واللى كانوا فى العنايه خرجوا اول امبارح الحمد لله وزى الفل وعلى فكره الخناقه ماكنتش بسبب العيش كان ليهاسبب تانى خالص ياريت اللى يقول حاجه يقولها صح يا اما يخرس خالص
إيما:
ردحذفوأنا كذلك للأسف.. من سيصحو من نومه ليبحث بدأب عن مزيد من الأخبار المؤسفة؟!
نعم: حسبنا الله ونعم الوكيل..
إيهاب:
دي الدعوة اللي بادعي بيها من زمان.. يا رب اصلح حال البلد دي.. أحسن مما كانت.. لكن هل فيها ناس فعلا يستاهلوا؟
مش كتير للأسف...
حازم المكاوي:
أولا: أهلا بك في مدونتي للمرة الأولى.. ولو أنه عيب جدا أن تسبني هكذا لمجرد أنك لا تراني!
يا أخي أنا لم أكذب.. ولم أدَّعِ أنني رأيت الواقعة بعيني، بل قلت أنني لم أرها، وقلت أن كثيرين رأوها.. والكلام الذي نقلته هنا سمته من أكثر من مصدر وليس مصدر واحد.. إذا كان هذا ليس صحيحا، فهي إشاعة منتشرة ويمكنك أن تسأل بنفسك لترى ماذا يقول الناس.. هذا لو كان ما تقوله أنت صحيحا!
قلت أيضا أن الواقعة بدأت في طابور العيش وتطورت، وأن ذلك على خلفية مشاكل سابقة.. اقرأ جيدا قبل أن تندفع بالسباب هكذا.. وإذا أردت أن تصحح خبرا فلتصححه بأدب أولا يا أخي.. لربما أقنعتني..
أنت ضيف هنا.. مرحبا بك إذن، لكن التزم بأدب الحوار من فضلك :)
على فكره انا من حلوان البلد و اسمى اسامه سلمان ياسر فاروق ابو محجوب هو اللى ضرب الاول فى المليان والله العظيم
ردحذفاللورد بقول يارب ارجع البلد زى ما كانت مكنش فى حكومه تقدر تدخل فيه كونوا يد واحده
ردحذفالسلام عليكم ورحمة الله وبركاته الرد يا ناس اولا تكون فينا احنا ليه لانه مافيش وازع ديني يردناثانيا مافيش قناعه باللي عندنا وما بنشبعش وثالثا لما الفقير بيقول لله بنضحك عليه وبنهزأ دايما بنفكر في نفسنا ولا نفكر في المسكين الفقير المحتاج ورابعا لو نسيب نوع الانانيه اللي فيناكنا احنا بخير وبنموت في الرشوه الحاجه ما بتمشيش الا بالرشوه وده نهانا عنه الله والرسول عليه الصلاة والسلام يعني بلاش الطمع والجشع واللي تبعدنا عن ربنااعملوا الخير واصلحوا من انفسكم وجزاكم الله كل خير سوسو
ردحذفيا جماعة الموضوع على خلفية مشاكل فعلا مش مسالة العيش بس دة كانت مجرد حجة عشان تبتدى بيها وكمان انا كان ليا صاحب توفى فى الضرب ده وسنه كان 18-19 ساعتها ....... فعلا حياة الانسان مبقاش ليها قيمة ربنا يستر على بلدنا وعلينا
ردحذف